«Фәйзрахманчы»ларны йортларыннан куалар

Казанның Совет районы суды «Фәйзрахманчы»ларны Казанның Торфлы урамындагы 41, 41а, 41б йортларыннан чыгару турында карар кабул иткән. Бу йортларда яшәүчеләргә яңа торак та бирелмәячәк.

"Суд карары нигезендә, "Фәйзрахманчы”лар төркеме экстремистик дип табылуына карамастан, алар үз эшчәнлеген дәвам иткән. Бу киләчәктә яңа хокук бозуларга китерергә мөмкин. Аларның эшчәнлеген мәҗбүри рәвештә генә туктату мөмкин”,-дип хәбәр иткән Татарстан прокуратурасы.

"Фәйхрахманчы”лар белән элемтәгә чыккач, алар бу яңалык турында бөтенләй белмәүләрен искәртте. "Әгәр шундый хәл килеп чыкса, без үз-үзебезгә кул салабыз, ачка үләбез”,-дип җавап бирде "Фәйзрахманчы”ларның берсе.
"Безнең гәҗит”