Бәйге кайтавазы

Телефон чылтырады.

"Балтачтагы Алан авылыннан әле бу. Ландыш Нәгыйбуллина булам. Мин узган ел Сезнең конкурска өч бала алып килгән идем. Бик шатланып кайттык. Моны әйтеп тә, аңлатып та бетереп булмый. Бәйгедән кайткан балаларның куануын күреп, бүтәннәре дә яныма килде. Алар: “Апа, безне дә укыт, ярышка безне дә алып бар. Динебезне өйрәнәбез дә, без дә Казанга барабыз, ярыймы?”-диделәр. Сезне үзебезгә чакырасыбыз килә, балаларны бик яратасыз икән. Киләчәктә дә уңышлар телибез",-диде ул.

Ә бераздан Әтнә, Арча районнары остазбикәләре дә Коръәнне өйрәнергә балаларның күбесе теләк белдерде, аларны да өйрәтәбез, Аллаһы боерса, киләсе елга алып килербез, дип шалтыраттылар.

Балаларның динебез нигезләрен ныклап өйрәнергә омтылулары, әлбәттә, сөенечле күренеш. Аларның барысына да сайлаган изге юлларында уңышлар телибез.

Әлмира ҺӘДИЯ, “Сөембикә энеләре һәм сеңелләре” бәйгесен оештыручы җәмәгать эшлеклесе