“Ак Барс” хоккей клубының баш тренеры Казанда мәчетләргә йөрүе турына әйтте

«Ак Барс» хоккей клубының баш тренеры журналистлар белән әңгәмә корырга бик сирәк ризалаша. Күптән түгел «Советский спорт» газетасында сорауларга бик сирәк җавап бирүче Зиннәтулла Биләлетдинов үзенең диннән читләшмәвен, киресенчә, аңа якынаюын ачып салды.

Ул әңгәмә барышында хоккей турында гына сөйләп калмыйча, Казанда мәчетләргә йөрүе турында да әйтә. «Сез — гадәти булмаган татар. Әйтик, мәчеткә йөрисезме?» — дигән сорауга: «Беләсезме, йөрим. Коръән укыйм. Һәм, бу яктан, Казанда яшәвемә шат. Мәскәүдә үземне дингә багышлау барып чыкмады. Зур шәһәр, ыгы-зыгы, ераклык — күп нәрсә игътибарны читкә җибәрә. Казанда дингә җитдирәк карый башладым», — дип җавап бирә.