Свердловск өлкәсенең Түбән Тура шәһәрендә мәчет төзелешен тәмамлый алмыйлар

Свердловск өлкәсенең Түбән Тура шәһәрендә мәчет төзелешен тәмамлый алмыйлар, шәһәрнең Татар милли-мәдәни автономиясенең Советы рәие Шамил Гарифуллин сүзләренә караганда, бу эшне тәмамларга 1 млн. сум акча җитми.

Свердловск өлкәсенең Татарлар конгрессы матбугат хезмәте әһелләре әйтүенчә, оештыручылар бу мәчетне төзү инициативасы белән 2008 елда ук чыкканнар иде инде. Алар нияте буенча киләчәктә бу мәчет рухи һәм мәдәни үсешне үстерүче үзәк булырга тиеш. Зур эшне башлап җибәрергә чаралар җыела башлады. Халык һәм иганәчеләр ярдәме белән 100 меңнән артык акча җыелды. 2009 елның ноябрь аенда мәчет төзү файдасына концерт куелды, шул сәбәпле 50 меңнән артык акча өстәлде.

2009 елда эш башланды: агач мәсьәләсе хәл ителде, бура ясалды. Документларга 150 мең сум акча кирәк булды, әлегә шуларның 70 мең сумы түләнде. Инде нигез салу өчен 1 миллион тирәсе акча кирәк булачак, Түбән Тура мөселманнары бу акчаны каян алырга да белмиләр, шул сәбәпле мәчет төзелеше туктатылып торды дип хәбәр итә Islam news хезмәткәрләре.