Әлбир Крганов Мәскәүдә мәчетләр җитмәү мәсьәләсен үз кулына алача

«Мәскәүдә ислам ташландык хәлдә, ләкин без (МҮДН) тарихи тәҗрибәләргә таянып, бу хәлне төзәтергә тырышырбыз», -  дип белдерде МҮДН рәисенең беренче урынбасары Әлбир Крганов. Шулай ук ул яңа структураның буш сүзләр атып, пиар ясарга җыенмаганлыгын хәбәр итте. «Әлбәттә герблардан тәре сүрәтләрен төшерү, православие гыйбадәтханәләрен мәчеткә әйләндерү, ялган мөселман телеканалларын һәм параллель структуралар ачуны, шик тудыра торган «гомумевропа» конференцияләр үткәрү дигән сүзләр «ыргытып» пиарланырга мөмкин, әмма ни өчен! Бит тыныч кына, үз эшләреңне эшләп, матур гына яшәп була», — дип өстәде Әлбир Крганов.

Ул Мәскәүдә мәчетләр җитмәү проблемасын үз кулына алачагын белдерде. «Мәскәүдә мәчетләр җитмәү сәбәпле, төрле рәсми һәм рәсми булмаган дини оешмалар көннән -көн арта бара, алар фатирларда җыелалар һәм анда нинди вәгазләр укыганнарын күз алдына китерергә дә куркыныч. Шунлыктан Мәскәүдә яңа мәчетләр төзергә кирәк, аларның эшчәнлеге турында без җавап бирә алачакбыз. Мәскәү хәкимияте бу фикерне уңай кабул итте», — ди Крганов.