Бу җомгада “Сөләйман” мәчетендә күзе күрмәүче хәзрәт Фәнис Мингәрә

Бу җомгада «Сөләйман» мәчетендә Казан Ислам колледжын, «Мөхәммәдия» мәдрәсәсен тәмамлаган, әлегә РИУда читтән торып уку бүлегенең студенты Фәнис Мингәрәев «дөньяның барлыкка килүе"  темасына багышланган эчтәлекле вәгазь укыячак. Фәнис хәзрәт искиткеч үзенчәлекле кеше. Ул «Сөләйман» мәчете карамагында булган Казан Реабилитация үзәгендә дәресләр алып бара. «Джавс» программасы ярдәмендә Фәнис җитез генә компьютер белән эш итә, шул рәвешле  күзләре күрмәүче башкаларны да компьютер грамматикасына өйрәтә. Күрү сәләтен югалту сәбәпле, инвалид булучылар бу үзәктә рухи яктан белем ала, реабилитация курсларын үтәләр.

Фәнис авыртуларга бирешмичә, тормышындагы кыенлыкларны җиңеп чыккан. Бугенге көндә ул үзенә охшаш булган кешеләргә-күзләре күрмәүчеләргә үз тәҗрибәсенә таянып аякка басырга, дини белем алырга, алга барырга ярдәм итә. Аллаһы Тәгалә аңа изге эшендә ярдәм итсен.