Милан шәһәре әһелләре киңәшмәсе җирле мөселман халкына бирелгән бинаны ябарг

Милан шәһәрендә, мәчетләр булмау сәбәпле, «Palasharp» спорт һәм күңел ачу комплексы бу көнгә кадәр шәһәр мөселманнары өчен дини ихтыяҗларын башкару урыны булып тора иде. Ләкин шәһәр әһелләре киңәшмәсе бу комплексны ябу турында карар кылды.

Моннан элек бу бина шәһәр киңәшмәсе тарафыннан мөселманнарга үзләренең дини ихтыяҗларын канәгатьләндерү нияте белән бирелгән иде. Presstv.iv хәбәр иткәнчә, бу бинада җомга намазлары һәм бигрәк тә изге Рамазан аенда дини чаралар үткәрелә торган булган. Җирле мөселманнар мәчет төзер өчен ничек кенә көч куймасалар да, бу тырышлыклар уңыш белән тәмамланмады.

Милан шәһәрендәге Ислам мәдәнияте институтының вәкиле Абдел Хәмид Шаари болай ди: « Миланда якынча 100 000 мөселман халкы яши һәм алар тиешле дәрәҗәдә чиста, лаеклы, сыйдырышлы, иркен бинага мохтаҗ. Кызганыч, безнең үтенечләр канәгатьләндерелмәде».

Шул ук вакытта шәһәр киңәшмәсенең әгъзасе: «Мөселманнар үз диннәрен тотарга хаклы, ләкин бу эш итальян Конституциясе белән тәңгәллектә булырга тиеш», — дигән фикер белдерде.