Бәйсез Дәүләтләр Берлегендәге мөселманнарның саны буенча Үзбәкстан – беренче урында

HabervVaktim мәгълүмати порталы хәбәрләренә караганда, Үзбәкстандагы халыкның 89 %ы ислам динен тота, анда барлыгы 23 897 563 мөселман яши.

Икенче урында — Россия мөселманнары. Биредә 21 513 046 әһле ислам булып, алар барлык халыкның 15 %ын тәшкил итә. Әзербайҗан исә өченче урынны били. Анда 7 584 311 мөселман булып, ул барлык кешенең 93,4 % ы дигән сүз.

Казахстан (6,9 млн), Таҗикстан (6, 8), Төрекмәнстан (4,4), Кыргызстан (4,1) дәүләтләре алардан соңгы урыннарны алып тора.

Бу илләрдә 61 498 626 мөселман яши, дип хәбәр итте БДБда Ислам порталы.