Казан халкына Минск автобусларының яңалары хезмәт күрсәтәчәк

Аларны тәкъдим итү чарасында башкала мэры катнаша.

Бүген Казандагы «Инженерлык-техник үзәге» ҖЧҖ базасында пассажирлар өчен 3 ишекле «МАЗ-103» һәм 2 ишекле «МАЗ-206» маркалы яңа автобусларны тәкъдим итү чарасы була.

Беларусь башкаласы Минскида җитештерелгән әлеге пассажир транспортының беренчесенә, «МАЗ-103»тә, идәне түбән санала (салонның арткы өлешенә таба идән сөзәк кенә күтәрелә, шуңа күрә, арткы ишеге төбендә басмалары бар), «МАЗ-206»сында исә идәне ярымтүбән (кергәч тә идәне түбән, ләкин 2 нче ишектән соң бер басмага күтәреләсе). Бу автобусларның беренчесе 70-80 пассажирга исәпләнгән һәм 21-28 утыргычлы булса, икенчесе — 72 пассажирлык һәм 25 утыргычлы.

Әлеге үзәк белән «КПАТП-9» транспорт предприятиеләре тарафыннан сатып алынган автобуслар шәһәр маршрутларына чыгарылачак. Мэриядән алынган алхәбәрдә әйтелгәнчә, бүгенге чарада Казан мэры Илсур Метшин да катнаша. Универсиадага әзерләнгән Казан өчен пассажир ташу актуаль мәсьәләләрнең берсе санала дип хәбәр итте "Татар-информ".