Татар теле курслары халыкта зур кызыксыну уятты

КФУның Филология һәм сәнгать институтында түләүсез татар теле курсларында белем алуга инде 850 кеше язылган.

Әлеге курсларга төрле һөнәр ияләре һәм балалардан алып, пенсионерларга кадәр язылган.

Курсларда укырга теләк белдерүчеләрнең саны 850гә җиткәч, Татарстан Министрлар Кабинетында бу проектка өстәмә чыгымнар тотарга кирәк булачагы ачыкланган.

ФСИдә түләүсез татар теле курслары оештыру турындагы мәгълүмат халыкта зур кызыксыну уяткан.

Курсларда укырга теләүчеләрнең гомуми җыелышында катнашучылар оештыручыларга күп санлы сораулар яудырганнар. Институтка килүче һәркемгә бу көнне укуны оештыру серләре турында сөйләгәннәр, татар теленең ана теленә әйләнү өчен барлык шартларны тудырырга ышандырганнар. Дәресләр ике төркемдә — телне башлап өйрәнүчеләр һәм дәвам итүчеләргә бүленеп үткәреләчәк. 3 айлык курслар тәмам булгач, курларда белем алучыларга сертификат биреләчәк.