Тиздән Төркия солтаны Сөләйман һәм Роксалананың тарихын телевидение аша күреп булачак

14 гыйнвардан «Домашний» телеканалыннан Төркия солтаны Сөләйман һәм аның хатыны Роксалананың могҗизалы тарихын күреп булыр дип көтелә. Телесериалның исеме — «Бөек гасыр» («Великолепный век»). Бу фильм «Солтан» исеме астында инде Словакиядә һәм Чехиядә бара.

Сериал Госманлы империясе белән иң күп идарә иткән Сөләйман Iгә (Бөек Сөләйман) кагылышлы чорларны колачлый. Ул булган вакыйгаларга таянып эшләнгән. Сериалда якынча 1520 елда әсир итеп алынган Роксолананың тормышы да чагылыш тапкан. Роксолана вәзир Ибраһим паша тарафыннан Сөләйман Iгә бүләк итеп бирелә. Ислам динен кабул иткән чибәр кыз тиздән солтанның беренче рәсми хатынына әйләнә һәм дәүләт эшләрен хәл итүдә дә катнаша башлый.