Татарстанның сукырлар өчен китапханәсендә “Үз кулларың белән могҗиза” күргәзмәсе ачы

Күргәзмәдә республика шәһәр һәм районнарыннан балалар эшләре тәкъдим ителгән.

Татарстанның сукырлар өчен махсус китапханәсендә «Үз кулларын белән могҗиза» күргәзмәсе ачылган. Анда тәкъдим ителгән һәр эш үзенчә кабатланмас һәм бәясез, алар барысы да сукыр һәм начар күрүче балалар — күрү буенча инвалид балаларның декоратив-гамәли иҗаты буенча республика ачык конкурсында катнашучылар кулы белән тудырылган.

Бәйгедә Казан, Чаллы, Түбән Кама һәм башка шәһәр-районнардан 3-18 яшьтәге 48 бала катнашкан. Иң активлар булып, мәктәпкәчә яшьтәге балалар билгеләп үтелгән.

Күргәзмәдә 50 дән артык эш тәкъдим ителгән. Бу декоратив һәм сенсор-үсеш өчен файдалы уенчыклар, табигый материаллардан композицияләр, рәсемнәр, аппликацияләр, пластилин һәм гипстан скульптуралар, катламлы камырдан эшләнмәләр, бәйләнгән һәм чигелгән эшләнмәләр һәм башкалар. Экспонатлар арасында бөтен кешенең дә яраткан мульфильм геройларын, урман һәм йорт җәнлекләрен, флора һәм фауна вәкилләрен очратып була.

Барлык эшләр дә гаҗәеп оригиналь. Күргәзмә күрү буенча гарип балаларның иҗади сәләтен чагылдыра. Күргәзмәнең төп максаты — яхшы күрүчеләрне күрүдән мәхрүм булган инвалидлар иҗаты белән таныштыру һәм инвалидларга толерант мөнәсәбәт уяту.

Агентлыкка китапханәнең методик-библиографик бүлегендә хәбәр итүләренчә, балалар иҗаты белән уку залында танышырга була дип хәбәр итте «Татар-информ».