Узган төндә Мәскәүдә күп кар яуганга күрә, Казанга очкычлар соңарып килә

Узган төндә Мәскәүдә күп итеп кар яуганга күрә, бүген Казанга очкычлар 20-25 минутка соңарып килә.

Моның сәбәбе шул: Россия башкаласының «Домодедово» һәм «Внуково» аэропортларын кар басып киткән. Белешмә хезмәтеннән алынган хәбәрләргә караганда, аэродром хезмәткәрләре иртә таңнан карны чистарту эше белән шөгыльләнә башлаган. Тик алар әлегә кадәр аэропортны кардан чистартып бетерә алмаганнар.

Казанга Мәскәүдән 9.15 тә килергә тиешле беренче рейс 25 минутка соңга калып килгән. Татарстан башкаласына икенче рейс исә 11.55 тә төшеп утырырга тиеш дип хәбәр итте «Татар-информ».

Бүген барлыгы Казанга «Внуково» һәм «Домодедово» аэропортларыннан 7 очкыч килергә тиеш.