Казанда иң яхшы балалар табибын бүләкләделәр

Казанда «Минем яраткан бала табибым» бәйгесенә йомгак ясалды. Биредә бала табиблары гына түгел, тар юнәлеш белгечләре дә катнашты.

Җиңүче булып, Вахитов районының №2 поликлиникасы балалар табибы Фирдәвес Сабирҗанова табылды.

Икенче урын Яңа-Саиновоның №7 поликлиникасы балалар табибы Ольга Бондаревага, өченчесе №8 шәһәр хастаханәсе табибы Римма Юмагуловага бирелде.

Өч лидерга плазматик телевизорлар, күн папкалар һәм сөт продукциясеннән бүләк җыентыгы тапшырылды. 3 тән 30 хәтле урыннар алучыларга да бүләкләр таратылды.

Бәйгене Татарстан республикасының Сәламәтлек саклау Министрлыгы Идарәсе оештырды. Максат: һөнәргә карата кызыксыну арттыру иде. Иганәчеләр булып, «Danone-Юнимилк» компаниясе һәм «ЗдравИнформ» ҖЧҖ чыкты.

Җиңүчеләр 2011 елның 20 ноябреннән 20 декабренә кадәр аралыкты www.bestpediatr.ru. сайтында тавыш бирү аша сайланды. Нәтиҗә ясалу һәм тантаналы бүләкләү №7 шәһәр клиник хастаханәсендә узды, дип хәбәр итә kzn.ru.