Бельгиядә татар мәдәниятынан бер кисәк

Бу көннәрдә Бельгиянең Льеж шәһәрендә Россия азык-төлекләре кибете ачылды. Тарихи илләреннән читтә яшәүче ватандашлар шатланып «балачак хатирәсе» булган ризыкларны алырга ашыга.

Башлап җибәрүчеләр һәм хуҗалар булып, Льежда яшәүче берничә татар гаиләсе санала. Шуңа күрә десерт сайлаганда алар басымны милли эшләнмәләргә ясый. Мисал өчен, хәләвә, чәк-чәк, ширбәт һ.б. Бельгиядә дистә тирәсе рус кибете бар. «Market plus» ит һәм колбаса эшләнмәләре «хәләл» стандарт буенча әзерләнеп, сертификатка ия булуы белән аерылып тора. Льеж — Бельгия Корольлегендәге мультимәдәни шәһәрләрнең берсе. Биредә төрле илләрдән булучылар гомер итә. Аларның күбесе ислам гореф-гадәтләре буенча яши. Алар өчен, әлбәттә, итнең ничек әзерләнүе бик тә мөһим.

Кибетнең бәйрәмнәр алдыннан ачылуы юкка түгел. Рус телле халык яраткан ризыгын ала, ә бельгиялеләр алар өчен экзотик булган татар ашханәсенең «йөзек кашы» «chak-chak» тәмен татып карый алачак.

Чыганак: Лилия Вәлиева, МА «Татар-информ»

Материал zurkazan.ru сайтыннан тәрҗемә ителде.