"Изге Юл" мөселман лагерена малайлар чакырыла

9 яшьтән 15 яшькәчә булган малайлар рухи яктан тәрбияләү лагере булган «Изге Юл» лагерена килә ала. Лагерь кышкы каникул вакытында: 02.01.2012 дән 10.01.2012 көннәрдә Кабан арты мәчете-мәдрәсәсе территориясендә эшләячәк. Кабул итү 25 декабрьгә хәтле бара. +7 927 671 96 99 телефонына шылтыратырга мөкин.

Чираттагы кышкы мөселман лагере «Изге Юл»ны Росия ислам университеты белән берлектә «Исхак хәзрәт» исемендәге Милләтара мәдәни-агарту үзәге оештыра. Ул Һади Такташ урамы, 28 йорт адресы буенча урнашкан, Кабан арты мәчетендәге мәдрәсә бинасында эшләячәк. Балалар ялы мавыктыргыч шөгыльләргә бай булачак. Биредә РИУның махсус әзерәнгән шәкертләре ял итүчеләргә ислам нигезләрен аңлата, Коръән укыту серләренә төшендерә, гарәп язмасын өйрәтә алачак. Эш рухи-әхлакый тәрбияләү һәм сәламәт яшәү рәвешенә күнектерү юнәлешендә барачак. Лагерь азагында имтиханнар да үткәрелеп, балаларга «Изге Юл» кышкы мөселман лагеренда дини белем алганлыкны раслаучы сертификатлар тапшырылачак. Һәм һәрберсенә истәлекле бүләкләр таратылачак, дип хәбәр итә Диния нәзарәтенең матбугат хезмәте.

Аллаһ бу проектны тормышка ашыручылардан риза булсын һәм балаларыбыз дини белемнәр дә алып үссен иде.