Владимир Путинның керемнәре никадәрле?

«Российская газета»ның бүгенге саныннан күренгәнчә, РФ Президентына кандидат, хәзерге вакытта илнең Премьер-министры вазифасын үтәүче Владимир Путинның банклардагы 10 счетында 5 миллион 722 мең 551,7 сум бар.

Документлардагы мәгълүматларга караганда, 4 ел эчендә В. Путинның кереме 17 миллион 743 мең 755 сумны тәшкил иткән. Бу керемнең чыганаклары итеп, аның РФ хөкүмәтендәге, РФ Президенты администрациясендәге хезмәт хаклары, банклардагы, акцияләр буенча алынган керемнәре, хәрби пенсиясе күрсәтелгән.

Россиянең Үзәк сайлау комитеты Президентлыкка кандидат булып торучы В. Путинның керемнәре турындагы мәгълүматларны бастырып чыгарды. Алардан билгеле булганча, Премьер-министр соңгы 4 елда 18 миллион сумга якын акча эшләгән, 5,7 миллион тәңкәне банктагы үз исәбенә салып куйган.

Мәгълүматлар «Яндекс.ру»дан алынды