Татарстан мөфтие Казахстан "Хәләл индустрия"се Ассоциациясе җитәкчесе белән очрашты

Татарстан мөфтие Казахстан «Хәләл индустрия»се Ассоциациясе җитәкчесе белән очрашты

Кичә Татарстан Диния нәзарәтендә мөфти Илдус хәзрәт Фәизов Казахстан «Хәләл индустрия»се Ассоциациясе җитәкчесе Марат Сарсынбаев белән очрашты.

Очрашуда Диния нәзарәтенең «Хәләл» комитеты җитәкчесе Динар Садыйков катнашты. Биредәгеләр хәләл азык-төлек базарындагы хәл хакында сөйләште, тәҗрибәләр белән уртаклашты, киләчәктә хезмәттәшлек итәргә килеште.

Моннан тыш, Татарстан «Хәләл» Комитеты белән Казахстанныкы, бирелә торган шәһадәтнамәләрнең бер-берләре тарафыннан кабул ителүен, ягъни дөрес дип табу турындагы килешүгә кул куюга сөйләште. Моның ярдәмендә Татарстан «Хәләл» комитетыннан шәһәдәтнамә алган, Россия җитештерүчеләре Казахстан террирориясендә дә үзенең хәләл азык-төлеген сата алачак, ә казахстанлылар Россия җирендә моны тормышка ашыра алачак. Моның хакында Диния нәзарәтенең матбугат хезмәте хәбәр итә.