"Йөрәктән йөрәккә" хәйрия акциясенең чираттагы сериясе старт алды

19 декабрьдән 31 кадәр Саратовта «Чишмә» («Родник») мөслимәләр оешмасы оештырган «Йөрәктән йөрәккә» хәйрия акциясе үтә.

Акция барышында катнашучыларга 4 балалар йорты һәм интернатларына, тупланган бүләкләрне тапшыру, шулай ук церебраль паралич авырулы 20 баланы хәлен белү бурычы йөкләнгән.

Барлык битараф булмаучы, киң күңелле кешеләрне оешма проектта катнашырга чакыра.

"Бергәләп без ата-ана назыннан мәхрүм булганнарга, тормышларында кыенлыкларга очрап, интернатларда тәрбияләнүчеләргә ярдәм кулы суза, үзләрен бәхетлерәк тоюда сәбәпче була алабыз. Ә ярдәм итүне төрлечә башкарырга була: бер елмаеп, бүләк биреп, матди булышлык күрсәтеп, алар өчен вакытыңны сарыф итеп, игътибарыңны күрсәтеп», — дип саный проекны алып баручылар.

Мондый акцияләрнең үткән сериясе Ураза бәйрәменә багышланган иде. Биредә авыру һәм наздан мәхрүм ителгән балаларның хәлен белүнең мөһимлеге аңлатылды. Искә төшерик «Чишмә» («Родник») вәкилләре Саратовның балалар бакчалары һәм интернатларында булды, Рамазан ае дәвамында җыелган уенчыклар, канцтоварлар сабыйларга тапшырды.

Барлык сораулар белән Татарская 19/12 адресы буенча урнашкан «Чишмә» оешмасына 25-68-84 телефонына шылтыратырга мөмкин, дип хәбәр итә Саратов өлкәсе Диния нәзарәтенең матбугат хезмәте.