Саратов өлкәсе Диния нәзарәте актив рәвештә яшьләр арасында әфьюнга каршы көрәш алып бара

Саратов өлкәсе мөселманнарының Диния нәзарәте социаль проблемаларны булдырмау мәсьәләсендә уку йортлары белән хезмәттәшлек итә

7 декабрьдә Саратов дәүләт аграр университетында яшьләр арасында әфьюн темасына багышланган «түгәрәк өстәл» үтте. Анда төрле диндәге студентлар, Җәмигъ мәчете имамы Фәнил хәзрәт Бибарсов, Саратов Епархиясе, прокуротура, эчке эшләр министрлыгы, гаилә планлаштыру үзәге, психиатрия хастаханәсе вәкилләре килгән иде.

«Түгәрәк өстәл»нең катнашучылары студентларга әфьюн куллануның зарары, бүгенге көндә Саратовта күпме наркотик матдәләр таратылуы, елына ни хәтле кеше үлүе, хастаханәләргә эләгүе, җинаять юлына басуы һәм җәмгыятебез афәте булган наркотикка каршы көрәшү юллары турында сөйләде.

Имам, үз чиратында, Ислам акылны томалый торган матдәләр, шул исәптән исерткеч, куллануны катгый тыюын искәртте. Фәнил хәзрәт Бибарсов, Аллаһ безгә сәламәтлек биргән һәм без аны сакларга бурычлы, диде.

Өлкәнең Диния нәзарәте вәкилләре һәрчак мондый чараларда катнашуын ассызыклап үтү кирәк. Күптән түгел генә наркомания афәтенә багышланган «түгәрәк өстәл»дә Хаҗ департаменты җитәкчесе Ильяс хаҗи Багатырев катнашкан иде, дип хәбәр итә Самара өлкәсе Диния нәзарәтенең матбугат хезмәте.