Казанда бары тик 10 кафе һәм ресторан Татарстан Диния нәзарәтенең “Хәләл” стандарты Комитеты контрольлегенд

Диния нәзарәтенең «Хәләл» стандарты Комитеты быел 9 кафе һәм 1 ресторанга сертификат бирде. Шул рәвешле, Комитет аларда хәләл ризык икәнлекне гарантияли. Һәрбер кафега яки ресторанга Комитет тарафыннан, әзерләнәсе ризыклары хәләл, дигән «Шәһадәтнамә» тапшырылган. Шулай ук кафеда әзерләнәсе ризык өчен азык-төлекләр китерүчеләр дә катгый контрольдә тотыла.

Хәләл кафе һәм рестораннар исемлеге Комитет сайтының «Сертификатка ия булган оешмалар исемлеге»ндә күрсәтелгән.

Соңгы арада башкалабызда бик күп кафелар, рестораннар үзләрен хәләл дип тәкъдим итеп, хәләл меню китерә. Ләкин, кызганычка, бу кафе, рестораннарга китерелгән азык-төлекне берәү дә үз контрольлегенә алмый. Шуңа күрә, Комитет җәмәгатьчелеккә игътибарлы булырга һәм Комитеттан тапшырылган «Шәһадәтнамә»не күрсәтүләрен таләп итәргә куша.

Түбәндә хәләл-менюга ия булып, шәригать кануннары буенча әзерләнгән ризыкны гына тәкъдим итүче ресторан һәм кафелар исемлеге китерелгән:

«Азу» кафесы, татар ашханәсе

«Рәйхан» кафесы, Аурупа һәм Япон ашханәсе

«Дархан» кафесы, үзбәк ашханәсе

«Сабрина» кафесы, шәрык ашханәсе

«Roll-house» кафесы, Япон ашханәсе

«Япон ашханәсе» кафесы

«Киш-миш» кафесы, шәрык ашханәсе

«Рубаи» ресторана, үзбәк ашханәсе чәйханәсе

«Dream кафе», Аурупа һәм Япон ашханәсе.