Мәрҗани мәчетендә мөслимәләр өчен атна дәвамында "Хатын-кыз бәхете" дигән тренингла

7 декабрь, чәршәмбе кичендә К. Насыйри урамы 17 йорт адресы буенча урнашкан Мәрҗани мәчетендә мөслимәләр өчен атна дәвамына сузылачак тренинглар башланды. Кичә исә кереш лекцияне Әл-Әзһәр универитетын тәмамлаучы, РИУ укытучысы, фикһ белгече Габдерахман Наумов укыды. Ул кеше тормышында Аллаһка ышанып яшәүнен никадәрле мөһим булуын ассызыклады. "Хәзерге заман кешесенең хатасы — Аллаһны танымыйча яшәүдә. Ул үзе уйлап тапкан җиһазлар чолганышында яшәп, табигатькә, әйләнә-тирәгә игътибар итәргә теләми. Шул сәбәпле Яратучы белән элемтәсен өзеп, гафләттә яшәвен дәвам иттерә, — диде ул.

Мондый лекцияләрнең хәзерге заман мөселманнары тормышында әһәмияте зур. Алар хәзерге җәмгыятьтә җайлашырга, үз урыныңны табарга ярдәм итә.

Мәрҗани мәчетендәге трениглар бер атна дәвамында барачак. Киләсе атнаның сишәмбесе соңгы көн була. Биредә мөслимәләргә яулык бәйләү, кулинария, косметология, бала тәрбияләү, психология һ.б. кызыклы мастер-класслар оештырыла.

18.00дә башланып, 21.00 хәтле барган мастер-класслардан соң оештыручылар мөслимәләрне чәй табынына дәшә.

Теләге булган һәр кеше бирегә килә ала.

Белешмәләр өчен телефон: 8-965-590-4084.