Тормыш изге гамәлләр кылыр өчен бирелгән

30 ноябрьдән 10 декабрьгә хәтле көннәрдә Чаллы шәһәрендә инвалидлар ункөнлеге үтә. Моның хакта шәһәр мэриясе матбугат-конференциясендә халыкны социаль яклау идарәсе җитәкчесе Гөлнар Әхмәтова хәбәр итте.

Ул, физик кимчелеклеләр ункөнлеге, Халыкара инвалидлар көне уңаеннан, мондый кешеләрне социаль тернәкләндерү, социаль яклау мәсьәләләрен хәл итү максаттыннан үтә.

Бу көннәрдә аларга иҗтимагый оешмалар, Башкарма комитет идарәсе җитәкчеләре катнашында «түгәрәк өстәл» , «Мин яратам сине, тормыш» дигән тематик программа, Халыкара инвалидлар көненә багышланган инвалид-балалар катнашында «Һәрвакыт кояш яшәсен» дигән XIII шәһәр фестиваленең гала-концерты оештырылды.

8 декабрьдә «КамАЗ» Мәдәният йортында сәгать 10.00 вакытта мәшгульлек үзәге «Инвалидлар өчен эш урыннары ярминкәсе» уздыра. Ункөнлек кысаларында шәһәрнең курчак, Татар дәүләт драма, «Мастеровые» рус драма театрында хәйрия спектакльләре һәм концерт программалары уза. Көнкүреш кирәк-яраклары оешмалары да физик кимчелекләрне ташламалар белән кабул итә, инвалидларга өйләрендә медицина хезмәте күрсәтәчәк, белгечләр планнан тыш кабул итәчәк.

Искә төшерик: хәзерге вакытта шәһәрде 31082 физик кимчелекле яши, шуларның 1640ы 18 яшькә хәтле балалар, дип хәбәр итә Nabchelny.ru.