«Хәләл» Комитеты сертификатларга ия булган оешмаларның исемлеген яңартты

Диния нәзарәтенең «Хәләл» стандарты Комитеты һәр атна саен сертификатларга ия булган оешмаларның исемлеген яңарта. Шул исәптән кайбер оешмаларның «Хәләл» маркасы белән азык-төлек җитештерүдән туктаганнарын хәбәр итә. Бу компанияләрнең җитәкчеләре белән бәйле. Шуңа да оешмаларда «Хәләл» маркасы белән чыгучы ризыкның сыйфатын контрольдә тоткан Комитет экспертлары чакыртып алына.

Әлеге оешмаларда хәләл азык-төлек җитештерү туктатылган: мармелад эшләнмәләр әзерләүче Пенза комнаниясе «Русский кондитер», Казан кондитер компаниясе ЗАО «Лакомка». Шулай ук «Семь хлебов» Казан оешмасын үзгәртеп кору сәбәпле, әлеге компаниядән Комитет Шәһадәтнамәсе дә алынган.

Хәләл азык-төлек җитештерә башлаган яңа компанияләр белән һәрдаим Комитет сайтында танышып бара аласыз. Хәләл-индустрия хакында хәбәрдар булыгыз!