Калининградта газ баллоны белән мәчетне шартлатырга теләгән егет кулга алынган

«Яндекс»тан алынган чыганакларга караганда, Калининградта теракт эшләргә омтылуда шикләнүче кеше кулга алынган. Калининградның 20 яшьлек кешесе башка диннәрне күрә алмау сәбәпле, Көньяк паркта урнашкан төзелеп килүче мәчет янында шартлау оештырырга омтылган була.

Егеттән газның гомуммассасы 75 литр булган, пропан һәм кислород белән тутырылган ике баллон табылган. Тикшерү барышында, егетнең шул баллоннар ярдәмендә мәчет дивары янында шартлау оештырырга теләгәне билгеле булган. Тоткарланучыга карата Рәсәй федерациясе Җинаять Кодексының 30 һәм 205 статьялары буенча (террористик акт кылырга омтылу )җинаять эше кузгатылган.

«Московский комсомолец» ачыклавынча, 20 яшьлек егет «Перрой» эретеп ябыштыру оешмасы хезмәткәре. Ул якшәмбе көнне, 27 ноябрьдә 21.30 вакытта полиция һәм Куркынычсызлык федераль хезмәте вәкилләре тарафыннан тоткарланган. Гаепләнүче пропан белән тутырылган 50 литрлы һәм кислород белән тутырылган 25 литрлы баллонны Калининградтагы Мәскәү районының Дзержинский урамындагы төзелеп килүче мәчет территориясендә шартлатырга теләгән була.