Мәскәүдә Татарстан җөмһүрияте Көннәре үтәчәк

2011 елның 24-27 ноябрендә Мәскәүдә Татарстан җөмһүрияте Көннәре үтәчәк. Быелның март аенда Татарстан белән Мәскәү арасында сәүдә-икътисадый, фәнни-техник һәм социаль-мәдәни өлкәдә хезмәттәшлек итү турындагы килешүгә кул куелды. Мәскәүдә Татарстан Көннәре әлеге программаны тормышка ашыру чараларыннан булачак.

Татарстан Көннәре кысаларында мәскәүлеләрне күңелле мәдәни программа көтә.

Мәскәү халыкара музыка йортында Татарстан сәнгать эшлеклеләре һәм осталары катнашында гала-концерт үтәчәк. Анда Татарстан Дәүләт симфония оркестры артистлары катнаша. Әлеге зал бинасында төрледән-төрле күргәзмәләр күрсәтеләчәк, шулай ук иҗади берләшмәләр очрашуы узачак. Бию һәм җыр ансамбле башкала халкына Мәскәү мәдәни фольклор үзәгендә үзенең концерт программасын тәкъдим итәчәк. Үзенең спектакльләре белән Г. Камал исемендәге Театр һәм Качалов исемендәге драма театры килүе көтелә. Шулай ук, мәскәү мәктәпләре укытучылары, Татарстан һәм Мәскәү язучылары һәм шагыйрьләре белән очрашу булачак. Авыл хуҗалыгы азык-төлеге күргәзмәсе дә оештырылачак, дип хәбәр итә Татарстан мәдәнияты Министрлыгының матбугат хезмәте.