Беренче өлкәара мөселман яшьләре форумы үтте

Диния нәзарәтеннән алынган мәгълүматларга караганда, 19 ноябрь көнне Ульяновский шәһәрендә «Ислам яшьләре Рәсәй киләчәге өчен» дип аталган беренче өлкәара мөселман яшьләре форумы үтте. Форумда Татарстан Диния нәзарәте вәкилләре — яшьләр эшләре бүлеге җитәкчесе Айнур Солтанов, белем бирү бүлеге белгече Айдар Карибуллин катнашты. «ММЧлары аша җәмгыятькә үтеп кергән ялгыш стереотиплар», «Исламда мәзһәбләр», «Яшьләрдә мөселман әхлагын тәрбияләү» дигән темаларга докладлар тыңланды. Айнур Солтанов: «Мондый форумнар үтүе бик тә мөһим. Рәсәй сәясәтенә диннең кайта баруы авыр процесс. Монда җәмгыятьнең барлык катламнары — ил, дини һәм иҗтимагый оешмалар җитәкчеләре, галимнәр һәм яшьләр катнашырга тиеш. Яшьләргә ватанпәрвәрлек тәрбиясе бирү дә мөһим һәм Ульяновскийда мондый форумның үтүе илнең ислам җәмгыяте каршында торган максатларына ирешүдә зур адым булды», — дип билгеләп үтте.