Мөселман яшьләре арасында Казан шәһәре спартакиадасы

26 нчы ноябрьдән 2 нче декабрьгә кадәр Үзәкләшкән дини оешма — Татарстан Республикасы мөселманнары Диния нәзарәте һәм Казан шәһәре спорт комитеты тарафыннан III спартакиада уздырыла.

Ярышлар тәртибе түбәндәгечә:

26 ноябрь — өстәл теннисы (егетләр һәм кызлар);

28 ноябрь — стритбол (егетләр һәм кызлар);

30 ноябрь — волейбол (егетләр);

2 декабрь — җиңел атлетика (800 метрга йөгерү, озынлыкка сикерү — егетләр).

Ярышлар Казанның төрле спорт корылмаларында узачак.

Җиңүчеләр медальләр һәм дипломнар белән бүләкләнәчәк. Барлык төр ярышларда да җиңүче команда күчмә кубокка ия булачак.

Ярышларда 15 яшьтән 23 яшькә кадәргеләр катнаша ала, дип хәбәр итә Диния нәзарәтенең матбугат хезмәте.