Казанда яшьләрнең әфьюн куллану проблемасы турында сөйләшәчәкләр

28-29 ноябрьдә Казанда «Студент яшьләр арасында сәламәт яшәү рәвешен формалаштыруның заманча тенденцияләре» дигән фәнни-гамәли конференция үтәчәк. Үткәрелү мәйданнары булып, «Казан» Милли Мәдәни Үзәге һәм шәһәрнең белем бирү оешмалары тора.

Яшьләрнең психоактив матдәләр белән мавыгу проблемасы турында укытучылар, югары уку, урта белем бирү йортлары психологлары сөйләшәчәк, әлеге юнәлеш буенча тәҗрибәләр уртаклашачак, профилактика чараларын эзләячәк.

Моннан тыш, конференциядә министрлык, идарә, хокук саклау органнары, федераль фәнни-белем бирү үзәкләреннән чакырылган белгечләр катнашачак.

Пленар утырыш һәм секцияләр буенча эш 28 ноябрьдә «Казан» Милли Мәдәни Үзәктә уза.Икенче көнгә Казанның югары уку, урта белем бирү йортларында мастер-класслар үтә.

Конференциянең оештыручылары — шәһәрнең әфьюнга каршы комисссиясе, Татарстан югары уку йортлары ректорлары, урта белем бирү йортлары директорлары ярдәмендә яшьләр һәм балалар эшләре Башкарма Комитеты үткәрә.

Искә төшерик, конференция Казанда 2011-2015 елларда халыкның наркоманиягә каршы профилактика максатчан программасы кысаларында үтәчәк, дип хәбәр итә kzn.ru.