«Кар өстендә Ислам» испанлыларны, инглизләрне, эстонлыларны кызыксындырды

«Кар өстендә Ислам» сериалы проекты Евросоюз илләренең мәдәният вәкилләрендә зур кызыксыну уятты. Кичә аны Евросоюз илләре-әгъзалары Илчелегендә тәкъдим иттеләр, дип хәбәр итә KZN.RU хәбәрчесенә фильмның креатив продюсеры Андрей Николаев.

4 серияле документаль фильмда татар исламы хакында сөйләнде. «Кар өстендә Ислам»да бер урында тату гына яшәүче төрле конфессия кешеләре арасындагы мөнәсәбәт тасвирлана. «Безнең өлкә бу планда күрсәткеч һәм мондый тәҗрибәне Рәсәй генә түгел, ә бар дөнья белергә тиеш», — дип саный А. Николаев.

«Татар исламы вәкилләре башка дин кешеләре белән тату яши. Татар исламы — ул Коръән союзы һәм либераль кыйммәтләр, — ди Андрей Николаев, — нәкъ моның хакында тамашачыларга җиткерергә теләдек".

Документаль фильмның алып баручысы Мәскәүдәге «EFE» испан мәгълүмат агентлыгы җитәкчесе Бас Фернандес. Проектны Рәсәй федерациясенең мәдәният Министрлыгы, Рәсәй телеканалы, Ислам мәдәниятын хуплау Фонды һәм Татарстан Илбашы киңәшчесе Минтимер Шәймиев хуплады.