Татарстан синоптиклары юлларда бозлавык булуы хакында кисәтә

Урыны белән кар, буран, юлларда бозлавык, кар көртләре

Татарстан синоптиклары фаразларына караганда, 9 ноябрьдә ТР буенча температура 4-9 градус салкын тәшкил итәчәк, Казанда температура — 5-7 градус.

Иртәгә көндез 3-5 градус салкын, ә республика буенча 2-7 градус салкын булуы көтелә. Республиканың көньяк-көнбатыш районнарында җылырак, ә төньяк-көнчыгышта салкын булачак.

Төнлә һәм 9 ноябрьдә көндез Татарстан Республикасы буенча кар, буран, көньяк-көнбатыштан 15-16 м/с тизлектәге җил көтелә. Урыны белән кар явуы, буран, юлларда бозлавык, кар көртләре көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Татарстанда 10 ноябрьгә каршы төндә болытлы һава. Төнлә температура 5-10 градус салкын тәшкил итәчәк, дип хәбәр итә "Татар-информ"