«Идел Хаҗ» миссиясе хаҗилары төркеме Сәгуд Гәрабстаны Корольлегенә килеп җитте

Бүгенге көнгә тагын 4 төркем СГК нә килеп җиткәне билгеле. 128 хаҗи «Кол Шәриф плюс», «Сөембикә» программалары буенча «Казан» халыкара аэропортыннан сәфәргә кузгалды. Аларны тәҗрибәле җитәкчеләр: Рөстәм Зиннуров, Равил Бикбаев, Гомәр Ганиев озата барды. 49 хаҗидан торган тагын бер төркем Рафаэль Сираҗев җитәкчелегендә Уфадан изге сәфәргә китте.

Бүгенге көндә хаҗга — 17 кешедән торган «Идел Хаҗ» хезмәте вәкилләре Халыкара Хаҗилар Үзәге Сәгуд Гәрабстаны Короллегенә килеп җитте. Алар арасында шәһәр хакимияте хезмәткәрләре, Татарстан җөмһүрияте Сәламәтлек саклау министрлыгыннан расланган табиблар һәм төркемнең кайбер җитәкчеләре бар иде.

Искә төшерәбез, 4 ноябрь хаҗ йолаларын үтәү башлана, хаҗилар Мина үзәнлегенә барачаклар. 5 ноябрь — Гарәфәт үзәнлегендә тору көне. 6 ноябрь — Корбан бәйрәме.

Хаҗиларның Сәгуд Гәрабстаны Корольлегендә тору көннәре 15тән 35 көнгә чаклы.