Денис Киф Диния нәзарәтендә

Диния нәзарәтенең матбугат хезмәтеннән алынган мәгълүматларга караганда, 2011 елның 24 октябрендә Мөфти Илдус хәзрәт Фәйзов Бөек Британия һәм Төньяк Ирландия Берләшкән Корольлегенең Россиядәге эшләрендә вакытлыча ышанычлы хат Денис Киф белән очрашты. Илдус хәзрәт кунакка республикадагы мөселман өммәтенең торышы, үсеш тенденцияләре, динара диалог һәм толерантлык турында сөйләде. Соңыннан ике як та Дәүләт органнарының, Татарстан һәм Англия мөселман җәмгыятьләре мисалында, дини оешмалар белән эшләү үзенчәлегенә тукталып үттеләр.

Шулай ук әлеге очрашуда Бөек Британия илчелегенең Мәскәүдәге сәяси мәсьәләләр буенча икенче сәркатибе Доминик Отвей, Диния нәзарәтенең беркетмәләр бүлеге җитәкчесе Илшат Насыйбуллин, халыкара мөнәсәбәтләр бүлеге җитәкчесе Хәбибулла Нәфисуллин, ТР Президенты Дәүләт Беркетмәләр идарәсенең төп киңәшчесе Светлана Хәбибуллина да катнаштылар.