«Ислам дөньясы һәм хәзерге заман» конференциясе нәтиҗәләре

«Бүген дөньяны дини һәм этник билгеләр буенча бүлергә тырышалар. Моның ахыры ничек тәмамланырга мөмкинлеген дә аңларга кирәк», — дип билгеләп үтте Дагыстан Университетының 80 еллыгын билгеләп үтү чарасында Илбашы Мөхәммәдсәләм Мөхәммәтов.

Шунысын билгеләп үтәргә кирәк: бәйрәм чарасы кысаларында, Махачкала физика факультетының конференция залында «Ислам дөньясы һәм хәзерге заман» исемле ике көнлек Халыкара гыйльми-гамәли конференция узган иде.

«Без диннең берләштерүгә ия бөек көч икәнен аңлыйбыз. Шулай ук экстремистик фикерләр нәрсәгә китерергә мөмкин икәнен дә беләбез. Социаль проблемаларга гына түгел, ә дини наданлыкка, милләтчелеккә нигезләнгән мондый идеологияләр нәрсәгә китергәненә төшенәбез. Боларның чын ислам кыйммәтләре һәм күпчелек фикере белән бернинди дә уртаклыгы юк. Кешеләрне толерант рухта тәрбияләү һәм бер-берсенең кызыксынуларын хөрмәт итәргә өйрәтү дәүләтнең, белем бирү тармагының, фәннең һәм дин әһелләренең бурычы булып тора. Әлеге конференция мондый бердәмлеккә китерер дип ышанып калам», — диде кунакларга һәм катнашучыларга мөрәҗәгать итеп, М. Мөхәммәтов, дип хәбәр итә IslamNews.ru.