Татарстанда үлү очраклары кимеде

Җөмһүриятебезнең Сәламәтлек саклау министрлыгының матбугат хезмәте хәбәр иткәнчә, Татарстанның демографик халәтендә уңай үзгәрешләр күзәтелә. 2011 елның гыйнварыннан августына аралыгында туучылар саны бакыйлыкка күчүчеләрнекеннән артып китүе билгеле.

Анализлаган чорда 32665 бала тууы һәм 31978 кеше фани дөньядан китүе мәгълүм (үткән елның шул ук вакыт аралыгында бу сан 31974 кә 34103 чагыштырмасында булган).

Кан йөреше начарлану аркасында вафат булучылар саны 12 процентка, инфаркт миокардадан 4,9 процентка, церебраль параличтан 8,7 процентка үлү очраклары кимегәне билгеле.

Яшь балаларның гомере өзелү очрагы 7 процентка кимеп, 1 мең туучыга 5,3 не генә тәшкил итә. Ана кешеләрнең үлеме дә 2,4 процентка түбәнәеп, 100 мең кешегә 12,2 генә туры килүе хакында мәгълүмат билгеле булды.