БТК БК белән РИУ белем өстәргә теләүчеләр өчен уникаль курс оештыра

Бөтендөнья татар конгрессы Башкарма комитеты белән Россия ислам университеты татар телен, татарлар тарихын тиз арада үзләштерергә, Ислам дине нигезләре буенча белем өстәргә теләүчеләр өчен уникаль курс оештыра.

Курс февральдан эшли башлый һәм ул 3 айга исәпләнгән. Дәресләр кичке 6да сишәмбе, чәршәмбе, шимбә көннәрендә Россия ислам университетында (Газовая, 19) үткәрелә. Укулар буенча оештыру җыелышы исә шунда ук 1 октябрь кичке 6да була, дип яза «Татар-Информ». Белешмәләр өчен тел.: 8950 32 00 935.

Курсларда тырышып дәрес үзләштергәннәр татар телен үзләштерә, гарәпчә язылган Коръәнне укый ала, чөнки, тәҗвидне шушы курсларда өйрәнә, милләт тарихы һәм дин турында гомуми күзалларлык кына булса да белем туплый.

БТК БК матбугат хезмәте хәбәр иткәнчә, курсларга теләгән кеше языла ала, курслар бушлай, программага фильмнар карау, чәй эчүләр кертелгән.