Кабан күле буенда мөселманнар җыены уздырылачак

30 августта Кабан күле буенда «Без бергә, гомергә» дип аталган мөселманнар җыены уздырылды. Татарстан мөселман хатын-кызларының «Мөслимә» иҗтимагый оешмасы Казан мөхтәсибәте белән берлектә Ш.Мәрҗани урамындагы Шәкертләр мәйданы дип аталган урында Республика көне уңаеннан башкалабыз мөселманнарын 14 нче тапкыр җыя.

Татар халкының дини, тарихи, мәдәни йөзен чагылдырган, гает бәйрәменә багышланган җыенда дин әһелләре, галимнәребез чыгыш ясаячак, мөнәҗәтләр әйтеләчәк, дип яза Интертат.ру.

Бәйрәмне Казан шәһәре мөхтәсибе Мансур хәзрәт Җәләлетдин ачып җибәрер дип көтелә. Шулай ук башка хәзрәтләребез, мәдрәсә шәкертләре бәйрәмгә вәгазьләр сөйләргә чакырулы. Моннан тыш тарихчыларыбыз Гамирҗан Дәүләтшин, Тәэминә Биктимеров, Лена Таҗиева, музей хезмәткәрләре халкыбызның тарихи сәхифәләрен хәтеребездә яңартыр. Олуг сәнгатькәрләребез Миңгол Галиев, Эмиль Җәләлетдинов һәм аларның Алинә Булатова кебек сәләтле укучылары әйткән мөнәҗәтләр исә һәркайсыбыз күңелендә тирән тәэсирләр тудырыр.

Шәкертләр мәйданында рухи — әхълакый, мәдәни кыйммәтләребезне күрсәтү максатыннан уздырылучы җыен сәгать 10.00 дә башлана.