Республика буенча Ведомстводан тыш сак хезмәте хәйрия чаралары уздыра

Социаль ярдәмгә мохтаҗ балаларга багышланган хәйрия чаралары уздыру Татарстан Эчке эшләр министрлыгы коллективында матур традициягә әйләнде. Күптән түгел шундый чараны Ведомстводан тыш сак идарәсендә дә үткәрделәр.

Казан шәһәренең Ведомстводан тыш сак идарәсендә балаларының сәламәтлеге начар булу сәбәпле матди ярдәмгә мохтаҗ барлыгы дүрт пенсионер џәм хезмәткәр барлыгы ачыкланды. Шулай, хезмәт ветераны пенсиядәге майор Радик Абдуллаев гаиләсендә игезәк кызлар Вероника белән Маргарита үсеп килә: 4 яшьлек кызчыкларның икесендә дә ДЦП диагнозы. Шул ук аяныч чирдән кадрлар бүлеге хезмәткәре Светлана Гыйләҗеваның 6 яшьлек кызы Аделина да җәфа чигә. Күпме еллар ата-аналар бәбиләрен савыктыру өчен тырышалар. Мөмкин кадәр коллегалары џәм элеккеге хезмәттәшләре ярдәм күрсәткән, әмма җыелган акчаның күләме чикле.

Республика буенча Ведомстводан тыш сак хезмәте инде тулы составы белән ярдәм күрсәтергә ниятләде. Тиз арада 100 мең сум акча җыелды. Бер генә хезмәткәр дә әлеге чарадан читтә калмады. Ведомстводан тыш сак идарәсенең административ бинасына кунакка чакырылган ата-аналарга коллектив исеменнән матди ярдәм тапшырган идарә җитәкчесе полиция полковнигы Марат Шакиров аларга ышаныч џәм сабырлык, ә балаларга савыгу теләде, алга таба да ярдәмнән ташламаячакларына ышандырды.

ТР Ведомстводан тыш сак идарәсенең матбугат хезмәте