«Булгария» һәлакәте корбаннары» счетына Франция, Испания, АКШ, Бөекбритания, Германия, Израиль, Канада, Кипр, Нидерланд, Норв

Бүгенге көндә «Корабль һәлакәте корбаннары» акциясе исәп-хисап счетына 35,77 миллион сумнан артык акча килгән, дип хәбәр иттеләр «Яңарыш» фондыннан.

«Татэнерго» ААҖ, Казан моторлар җитештерү берләшмәсе, мәдәният йортлары, медицина һәм финанс учреждениеләре, Апас һәм Зәй янгынга каршы хезмәт отрядлары, Васильево икмәк заводы, Бөгелмә тимер-бетон эшләнмәләр заводы, Татарстан бизнеска теләктәшлек күрсәтү институты, Санкт-Петербург Закон чыгару Җыены финанс комитеты хезмәткәрләре (барлыгы 27 миллион 112 мең 43 сум) акча күчерә.

Шәхси затлардан барлыгы 8 миллион 647 мең 993 сум акча килгән. Казан, Татарстанның барлык шәһәрләре һәм район үзәкләре, Тубыл, Псков, Сочи, Новокузнецк, Сургут һәм башка шәһәрләрдә яшәүчеләр акча күчерә.

Хәйрия счетына шулай ук Франция, Испания, АКШ, Бөекбритания, Германия, Израиль, Канада, Кипр, Нидерланд, Норвегиядә яшәүчеләрдән дә акча килде.