Суд-медицина экспертизасы бюросына һәлак булганнарның 65е китерелгән

БКичә 20.00 сәгатькә алынган белешмә буенча, «Булгария» теплоходы һәлакәте булган урыннан барлыгы 90 кешенең үле гәүдәсе табып, су өстенә чыгарылган: 14 ир заты, 60 хатын-кыз, 16 бала. Республика суд-медицина экспертизасы бюросына һәлак булганнарның 65е китерелгән, аларның 64енең кем икәнлеге ачыкланган. Туганнарына тапшыру өчен, 51 мәет буенча документлар рәсмиләштерелгән, 35ен алар инде алып киткән.

Фаҗига корбаннарының туган-тумачасы белән 82 психолог эшли.

ТР Гражданнар оборонасы һәм гадәттән тыш хәлләр министрлыгы мәгълүматы буенча, барлыгы 79 кеше (50 турист, экипаждан 23 кеше, рәсми теркәлмәгән 6 пассажир) исән калган, әлегә 39 кеше билгесез югалган санала. Гадәттән тыш хәлләр министрлыгының «кайнар линия» телефоны буенча кешеләрдән 5,7 меңнән артык мөрәҗәгать кабул ителгән.

Су төбеннән теплоходны чыгару эшләрен оештыру максатыннан, кичә 19.00 сәгать тирәсендә Казанга Санкт-Петербург фәнни тикшеренү институты белгечләре килеп җиткән, дип хәбәр итә ТР Президенты матбугат хезмәте.