Казанның Үзәк никахлашу сараенда юбиляр гаилә парларына медаль тапшырдылар

Казанның Үзәк никахлашу сараенда юбиляр гаилә парларына «Мәхәббәт һәм тугърылык» медален тапшырдылар. Әлеге бүләккә Татарстанда яшәүче һәм 25 елдан да ким булмаган вакыт парлы гомер иткән 5 пар лаек булды дип хәбәр итә tatar-inform.ru

«Татар-информ» агентлыгы хәбәрчесенә Үзәк никахлашу сараеның ЗАГС бүлеге мөдире Альбина Шәвәлиева сөйләвенчә, бу чара Бөтенроссия Гаилә, мәхәббәт һәм тугърылык көне алдыннан оешытырылган. «Бүген Казанны һәм Татарстнны үстерүдә зур өлеш керткән парларга медальләр тапшырабыз. Алар безнең башкалада һәм республикада танылган кешеләр», — дип билгеләп үтте ул.

А.Шәвәлиева белдерүенчә, ЗАГС системасы хезмәткәрләре кайсы парны сайларга дип аптырап калган. Кайбер гаилә парлары 50,60, хәтта 70 ел бергә яшәгән. Моннаны тыш, алар Татарстан үсешенә зур өлеш керткән, җәмгыятькә файдалы балалар үстергән. Шулай итеп, 5 парда тукталганнар.

Тантаналы чара юбиляр парларга «Мәхәббәт һәм тугърылык» медален тапшыру белән тәмамланды