Мәктәпкәчә һәм гомуми белем бирү бюджет учреждениеләрендә урта медицина персоналының хезм&

РФ Хөкүмәте 1 сентябрьгә кадәр мәктәпкәчә һәм гомуми белем бирү бюджет учреждениеләрендә урта медицина персоналының хезмәт хакын 50 процентка арттыру буенча тәкъдимнәр әзерләргә тиеш, дип хәбәр итә tatar-inform.ru Россия Президенты Дмитрий Медведев Бюджет юлламасында әнә шулай дип белдерде.

«РФ Хөкүмәте 2011 елның 1 сентябренә кадәр РФ субъектларының башкарма хакимият органнары белән берлектә, мәктәпкәчә һәм гомуми белем бирү бюджет учреждениеләрендә урта медицина персоналының хезмәт хакын 50 процентка арттыруны күздә тотып, әлеге учреждениеләрдәге медицина персоналының хезмәт хакын арттыру буенча тәкъдимнәр әзерләргә тиеш», — диелә юлламада.

Моннан тыш, документта билгеләп үтелгәнчә, төбәк гомуми белем бирү системаларын модернизацияләү максатыннан 2011-2013 елларда РФ субъектларына федераль бюджеттан зур күләмдә субсидияләр бүлеп биреләчәк.