Татарстаннан рәсми делегациясе Магадандагы беренче мәчеткә таш салу тантанасында катнашты

23-26 июнь көннәрендә Татарстаннан рәсми делегация Магаданда булып кайтты. Делегация составында Татарстан Президентының дини оешмалар белән хезмәттәшлек итү идарәсе рәисе Марат Гатин, Бөтендөнья татар конгрессының башкарма комитеты рәисе урынбасары Ирек Шәрипов һәм Татарстан мәдәният министрлыгыннан иҗади коллективлар бар иде.

24 июнь көнне делегация Магадан өлкәсендә ачылачак беренче мәчетнең нигезенә таш салуда катнашты. Бу истәлекле чарада Магадан өлкәсенең «Алтын Ай» татар һәм башкорт халыклары иҗтимагый оешмасы рәисе Р.Фатыхов, имам-хатыйп Хәлим хәзрәт Шәмсетдинов, әрмән, үзбәк, әзербайҗан һ.б.берләшмәләрдән вәкилләр катнашты.

25 июнь көнне делегация вәкилләре Магадан өлкәсе Сабантуенда булдылар. Бу милли бәйрәмебездә Магадан өлкәсе губернаторы Н.Дудов, Магадан шәһәре мэры В.Печеной да катнаштылар, дип хәбәр итә Татарстан Президентының дини оешмалар белән хезмәттәшлек итү идарәсе. intertat