«Болгарларда ислам: тикшереләсе мәсьәләләр» дигән темага «түгәрәк өстәл» утырышы

Бүген ТР мөселманнары Диния нәзарәте Ислам кабул итү көненә багышланган «Болгарларда ислам: тикшереләсе мәсьәләләр» дигән темага «түгәрәк өстәл» утырышы уздыруы турында хәбәр итә.

Анда Ислам тарихын өйрәнгән галимнәр, җәмәгать эшлеклеләре, дин белгечләре, язучылар, аерым алганда, ислам тарихын, аның үсеш юлларын ныклап өйрәнгән галимнәр Гамирҗан Дәүләтшин һәм Фаяз Хуҗиннарның чыгыш ясавы көтелә.

Татар әдәбиятында дини мотивлар, әдәби әсәрләрдә ислам тарихын чагылдыруның бүгенге көндәге торышы белән күренекле каләм әһелләре таныштырып үтәчәк. Чыгышлардан соң үзара фикер алышу дәвам итәчәк, дип хәбәр итә «Татар-Информ».