Дәүләт хезмәткәрләре халыктан белешмә сорап йөдәтмәячәк

Быелның беренче июленнән халыктан белешмә сорап йөдәткән дәүләт хезмәткәрләренә штраф түләтә башлаячаклар.

Тиздән яңа закон гамәлгә керә. Бу хакта Татарстан Премьер-министры урынбасары — мәгълүматлаш­тыру һәм элемтә министры Николай Никифоров әйткән. «Хәзер, мәсәлән, сабыен балалар бакчасына чиратка бастырырга теләгән ата-ана бер өем документ җыярга мәҗбүр. Беренче июль­дән соң мәктәпкәчә белем бирү учреждениесенә барганда, үзең бе­лән паспорт кына алып барырга кирәк булачак. Ведомство хезмәткәрләре кирәкле мәгълүматны Интернеттагы базадан үзләре эзләп табачак», — дигән ул. Никифоров әйтүенчә, дәү­ләт хезмәтләреннән Интернет аша да файдаланырга мөмкин. Быелның апрелендә генә Татарстанда яшәүче 700 меңнән артык кеше электрон хезмәтләргә мөрәҗәгать иткән, дип хәбәр итә Матбугат.ру