Татарстан Республикасының Мамадыш мәдрәсәсе укырга чакыра

Мамадыш мәдрәсәсе җитәкчелеге халыкның белем дәрәҗәсен күтәрү өчен барлык көчләрен куя. Шул сәбәпле Мамадыш мәдрәсәсенә укырга барлык теләүчеләрне чакыру эшләрен алып бара.

Бу эшнең нияте иң элек укып чыккан мөселманнарның Аллаһка табынып яшәүләре, белемнәрен башкаларга да тарату тора. Шуның белән беррәттән районнарыбызда белемле, тиешле дәрәҗәле имамнар, Ислам нигезләренә өйрәтүче укытучылар һәм башка дин белгечләрен булдыру. «Шуңа күрә яңа уку елына күберәк яшьләрне чакырырга ният итщбез»,- дип хәбәр итте «Татар-Ислам» хәбәрчесенә Мамадыш районы мәдрәсәсенең мәгълүмат хезмәткәре.

Шул исәбтән Мамадыш мәдрәсәсе вәкилләре тарафыннан район авыллары, мәктәпләре буенча таныштыру-чакыру эшләре алып барыла. Бу авыллар белән күптәннән инде нык мөнәсәбәтләр бәйләнгән. Мәдрәсә студентлары анда практика үтәләр. Бу эшләрнең максаты исә-мәктәп балаларын Ислам белән таныштыру һәм шулай ук мәдрәсәгә студентлар әзерләү тора.

Безнең агентлык сезгә уңышлар теләп кала. Аллаһ изге эшләрегездә ярдәм итсен. Әмин.

Зәйнәб Хәфизи