РМҮДН Мәскәү шәһәренең мәриясенә 5 мәчет төзү өчен җир аерып

Россия мөселманнарының Үзәк диния нәзарәте Мәскәү шәһәренең мәриясенә 5 мәчет төзү өчен җир аерып бирү соравы белән мөрәҗәгать итте. Бу хәбәрне РМҮДН башлыгы Тәлгәт Тәҗетдин җиткерде.

«Бу җирләр тиздән биреләчәк һәм без анда мең кеше сыйдырырлык 4 мәчет төзиячәкбез. Тагын бер мәчетне исә, җиде мең кешене сыйдырырлык итеп төзергә ниятлибез», — ди Т.Тәҗетдин. Мәчеләр кайсы урында төзеләчәк соравына ул «барсы да эш барышында билгеле булачак»,- дип җавап бирде. Әлегә ул мәчетнең проектларын һәм төзелеш планнарын тәкъдим итәргә тиеш.

«РМҮДН 221 ел эшләсә дә, әлегә кадәр аның Мәскәүдә үз резиденциясе дә юк»,- дип зарланып куйды Т.Тәҗетдин.

«Шул исәбтән без бер җир урынын 4-5 гектар күләмендә сорыйбыз. Анда җиде мең кеше сыйдырырлык мәчет тә, шул ук вакытта резиденция дә урнашыр иде. Миңа билгеле булганча, Рус православия чиркәве һәм патриарх Кирилл бу ниятләргә каршы түгел. Алексей II дә шул ук фикердә. Без бит традицион ислам динен тотучылар һәм безнең идарәдә булган мәчетләрдә бер генә дә имам-экстремист юк»,- дип билгеләп үтте Т.Тәҗетдин.