Казахстан каласы Астана шәһәрендә хәләл-балалар бакчасы ачылды

Казахстан каласы Астана шәһәрендә хәләл-балалар бакчасы ачылды. Тирә якта аны мөселман баллар бакчасы дип йөртәләр. Инде ел дәвамында анда балаларны гадәттәге дисциплиналар белән беррәттән ислам нигезләренә һәм гарәп теленә өйрәтәләр.

«Без хәләл ризык белән туклануны тәэмин итәбез, атнасына ике тапкыр ислам дәресләре һәм гарәп теле дәресләрен бирәбез. Дәресләр авыр түгел. Балалар Коръәннән кыска сүрәләр, догалар өйрәнәләр», — ди бакча мөдире.

Балалар бакчасы иртәнге 8.00 кичке 18.00 кадәр эшли. Әлегә анда 25 бала йөри. Бәя — аена 30 мең тәнгә. Калган бакчаларда да шундый ук бәя, әмма әти-әниләр сүзе буенча, башка бакчалардан аермалы буларак балаларны монда игътибар белән һәм күңел биреп карыйлар.

Бу учреждение официаль рәвештә юк дип санала. Бакча ел дәвамында лицензиясез эшли. Казахстан белем бирү министрлыгында — балалар бакчаларында дини тәрбия бирү закон буенча тыела, — диделәр.

«Барлык укыту программалары да безнең ил законнары, конституция нигезендә төзелергә тиеш», — ди милли фәнни-гамәли коррекцион педагогика үзәге директоры Баглан Халыков.

Шәһәр белем бирү деппартаментында бакча турында беләләр, әмма бакча хуҗалары индивидуаль пердприниматель буларак эш итәләр, — дип җавап бирәләр.