Бөекбритания автобуслары исламофобиягә каршы көрәшә

Илнең төрле шәһәр автобусларында бизәкле Мөселманнар «лояльлек, тынычлык һәм азатлык өчен» дигән язмалар барлыкка килде. Кампаниянең максаты — британиялеләр арасында киң таралган ислам дине хакындагы тискәре стереотипларны юк итү. «Ахмадийя» Мөселманнар ширкәте вәкилләре шулай итеп Британия халкына ислам турында дөрес мәгълүмат биреп, кызганычка каршы, әлегә киң таралган ялгыш фикерне җуярга ниятли.

Кайбер ислам оешмалары бу кампаниягә критик караш белән караса да, 26 марттан бирле бу слоган Лондонның һәм Глазгоның 100 дән артык автобусын бизәп тора. Бу кампания дүрт атнадан алып сигез атнага тиклем дәвам итәчәк, аннары инде Лестер, Бирмингем, Лидс, Бредфорд шәһәрләренә күчәчәк.

Шул акция белән беррәттән волонтерлар ислам диненең асылын аңлаткан листовкалар таратачак. «Билгеле, бер слоган гына җитәрлек түгел, — дип инкарь итә ассоциация рәисе Насир Дин. — Ләкин бу чара зур эшнең башлангычы булып тора. Хәзерге вакытта бу бик тә урынлы һәм кирәк эш дип саныйм мин аны. Шунлыктан да аны нәкъ менә мөселман оешмалары башларга тиеш тә инде, чөнки алар барысыннан да артык җәфа чигә".