Свердловск өлкәсенең “Возрождение” (“Яңарыш”) мәдрәсәсендә “Баллы табын” исемле балалар бәйр

Свердловск өлкәсенең Сысертск шәһәр округының Октябрьский поселогында урнашкан «Нур» мәчете карамагындагы «Возрождение» («Яңарыш») мәдрәсәсендә уку елы тәмамлану сәбәпле җитәкчеләр «Баллы табын» исемле балалар бәйрәме үткәрәчәк. Чара 10 апрельдә уза.

Ислам.ру корреспондентына җитәкчеләрнең берсе, укытучы- теология белгече Руслан Нурмаметов түбәндәгене сөйләде:»Мондый мәҗлес беренче мәртәбә генә үткәрелми. Анда мәдрәсә укучыларының балалары һәм оныклары катнаша. Балалар кечкенә вакыттан ук мәчеткә йөрергә тиеш, мөселманнардан Ислам турында мәгълүмат тупларга».

Балалар өчен тәмле ризыклар гына түгел, мавыктыргыч уеннар, конкурслар, викториналар булачак. Әлбәттә, җиңүчеләрне бүләкләр көтә. Мәдрәсә администрациясе теләгәннәрне бәйрәмгә чакыра. Балаларның яше чикләнмәгән.